Եվրոպայում բնակարանների մեկ քառակուսի մետրի արժեքի առումով երեք գերմանական քաղաքներ միանգամից հայտնվել են առաջին հնգյակում։ Անշարժ գույքի Remax գործակալության 2024 թվականի հաշվետվության համաձայն՝ Մյունխենը դարձել է Եվրոպայի ամենաթանկ քաղաքը։ Այստեղ բնակարանների մեկ քառակուսի մետրի միջին գինը կազմում է 9965 եվրո, իսկ տների համար՝ 9411 եվրո։

Երրորդ և չորրորդ հորիզոնականներում նույնպես գերմանական քաղաքներ են։ Համբուրգում բնակարանների մեկ քառակուսի մետրի միջին գինը 6124 եվրո է, տների համար՝ 6038 եվրո։ Բեռլինում՝ համապատասխանաբար 6278 և 5354 եվրո։ Նրանց միջև երկրորդ տեղը զբաղեցրել է Վիեննան, իսկ հինգերորդ հորիզոնականը բաժանվել են Մադրիդն ու ավստրիական Լինցը։

Չնայած խոշոր քաղաքներում բարձր գներին՝ ամբողջ Գերմանիայում 2024 թվականին նկատվել է գների նվազում. բնակարաններն էժանացել են 5%-ով, տները՝ 1%-ով։ Արդյունքում՝ գույքն ավելի արագ է վաճառվել. միջին հաշվով՝ 48 օրով ավելի արագ, քան նախորդ տարի։

Սակայն 2024 թվականի վերջին շուկան սկսել է աշխուժանալ։ Remax-ի տվյալներով՝ անցյալ տարվա վերջին եռամսյակում Գերմանիայում անշարժ գույքի միջին գները կրկին սկսել են աճել, հատկապես Համբուրգում։