Ռուսաստանի հարձակումները Կիևի և ուկրաինական այլ քաղաքների վրա շարունակվում են երրորդ գիշերն անընդմեջ՝ զոհվելով խաղաղ բնակիչների: ԱՄՆ նախագահ Դոնալդ Թրամփը արձագանքել է դրան իր Truth Social-ում՝ առաջին անգամ բացահայտ մեղադրելով Պուտինին քաղաքացիական անձանց սպանության մեջ.
«Ես միշտ շատ լավ հարաբերություններ եմ ունեցել Պուտինի հետ, բայց նրա հետ ինչ-որ բան է պատահել է: Նա լրիվ խելքը գցել է։ Անհարկի սպանում է բազմաթիվ մարդկանց, և ես խոսում եմ ոչ միայն զինվորների մասին: Հրթիռներ և անօդաչուներ են արձակվում Ուկրաինայի քաղաքների վրա՝ առանց որևէ պատճառի: Ես միշտ ասել եմ, որ նա ցանկանում է ամբողջ Ուկրաինան, ոչ թե դրա մի մասը, և և, եթե պարզվի, որ ճիշտ եմ, սա կհանգեցնի Ռուսաստանի անկմանը»:
Թրամփը քննադատել է նաև Ուկրաինայի նախագահ Զելենսկուն.
« Զելենսկին ոչ մի օգուտ չի տալիս իր երկրին: Այն ամենը, ինչ դուրս է գալիս նրա բերանից՝ խնդիրներ է ստեղծում, ես դա չեմ սիրում, և ավելի լավ կլինի, որ դա դադարի: Սա մի պատերազմ է, որը երբեք չէր սկսվի, եթե ես նախագահ լինեի: Սա Զելենսկու, Պուտինի և Բայդենի պատերազմն է, ոչ թե «Թրամփինը»: Ես պարզապես օգնում եմ հանգցնել այն մեծ ու տգեղ հրդեհները, որոնք սկսվել են աններելի անփորձության և ատելության պատճառով»:
Լրագրողները հարցրել են Թրամփին՝ արդյո՞ք նա դիտարկում է Ռուսաստանի դեմ նոր պատժամիջոցներ: Նրա պատասխանը.
«Անկասկած: Նա սպանում է բազմաթիվ մարդկանց: Չգիտեմ՝ ի՞նչ է պատահել նրա հետ»:
Սպիտակ տան հատուկ ներկայացուցիչ Քիթ Քելլոգը նույնպես դատապարտել է վերջին օրերի ռուսական հարվածները՝ նշելով․
«Կանանց ու երեխաների անխտիր սպանությունը գիշերով իրենց տներում պարզապես 1977 թվականի Ժնևի խաղաղության արձանագրությունների խախտումն է, որոնք պետք է պաշտպանեին անմեղներին: Այս հարձակումներն ամոթալի են: Դադարեցրե՛ք սպանությունները»: