Վաղը առավոտյան, կարդինալները կնախաճաշեն ժամը 06:30-ին, այնուհետև կմասնակցեն Սուրբ Պատարագի, իսկ օրվա երկրորդ կեսին նախատեսված են լրացուցիչ քվեարկություններ։

Կոնկլավն անցկացվում է Սիքստինյան կապելլայում, և այս ընթացքում կարդինալներին արգելվում է այլ անձանց հետ շփումը։

Չնայած նրանց մեկուսացումը կարող է տևել անորոշ ժամանակ, հիշեցնենք, որ և՛ Պապ Ֆրանցիսկոսը, և՛ նրա նախորդ Բենեդիկտոս XVI-ը ընտրվել էին ընդամենը երկու օրում։

Հիշեցնենք՝ սև ծուխը (ֆումատա) Վատիկանում ազդարարում է, որ կարդինալները չեն հասել պապի ընտրության համար անհրաժեշտ 2/3 ձայների մեծամասնությանը։ Եթե ծուխը սպիտակ լիներ, դա կնշանակեր, որ նոր պապ է ընտրվել։