Փարիզում այսօր աճուրդի է հանվել Հրանտ Սամուելյանի Արևելյան գրախանութի լեգենդար հավաքածուն, որը ներառում է տարբեր ժամանակաշրջանների 300 հայկական գրքեր և ձեռագրեր։
1930 թվականին հիմնադրված Հրանտ Սամուելյանի Արևելյան գրախանութը (Librairie Orientale Hrant Samuelian), մինչև փակվելը, աշխարհում ամենաերկար գործող հայկական գրախանութն էր, հայկական սփյուռքի մշակութային կենտրոններից մեկը, որտեղ հայ գիրքը շարունակում էր շնչել՝ չնայած հեռավորությանն ու ժամանակին: Հազվագյուտ գրքերի և ձեռագրերի հավաքածուն հսկայական արժեք ունի հայկական մշակույթի և պատմության համար
Գրախանութը փակվել է 2016 թվականին։ Այն ղեկավարել են հիմնադիր Հրանտ Սամուելյանը մինչև իր մահը՝ 1977 թվականը, ապա նրա երեխաները՝ Արմեն Սամուելյանը և Ալիս Ասլանյանը