Քաղաքագետ Լիլիթ Դալլաքյանը «Ֆեյսբուք»-ի իր էջում հիշեցրել է՝ ավելի վաղ կարծիք է արտահայտել, որ հաջորդ խորհրդարանական ընտրությունները լինելու են ամենախայտառակը, իսկ խորհրդարանը՝ ամենախոցելին։
«Որքան ընտրությունները մոտենան, խուլիգանությունը, «ռազբորկաները» ավելի շատ տեղ են ունենալու մեր կյանքում։ Եվ այս ամենի պատասխանատուն ՀՀ իշխանություններն են, որոնք օրենքի հետ խաղ են անում արդեն 7 տարի։
Փողոցային բարքեր, սափրագլուխներ դավանողներին քաղաքական դաշտից մաքրելու փոխարեն՝ թավիշ ենք խաղում։
Մենք ծանոթ ենք այդ ամենին տարիներ շարունակ, դրա միջով անցել ենք և խնդիր չունենք ո՛չ օրենքի, ո՛չ էլ «այլ» դաշտերում, բայց երկիրը վերածվելու է «ռազբորկաների» թատերաբեմի, և հետևանքներից օգտվելու են արտաքին պատվիրատուները»,- գրել է նա: