«Քնած և լուռ տուրիզմը» (անգլ. sleep tourism) լայն տարածում չունեցող, կարելի է ասել՝ մարգինալ տուրիզմի տեսակ է։ «Այս ձևով հանգստանալ նախընտրում է տուրեր պատվիրողների 10 տոկոսը»,- aif.ru-ի հետ զրույցում ասել է Տուրիստական ​​գործակալությունների դաշինքի փոխնախագահ Ալեքսանդր Մկրտչյանը։

Նա ընդգծել է․ «Նրանք հիմնականում այն մարդիկ են, ովքեր հոգնել են մետրոպոլիայի աղմուկից և պատրաստ են որոշ գումար վճարել՝ պարզապես քունը հագեցնելու համար։ Մասնավորապես՝ մեծ քաղաքների բնակիչները նախընտրում են հյուրանոցներ, որոնք գտնվում են իրենց բնակավայրերից ոչ հեռու՝ այնտեղ, որտեղ չեն աղմկում մեքենաներն ու մոտոցիկլները, փողոցներում երաժշտություն չի հնչում, իսկ շրջապատում միայն լռություն է և բնություն։
Մարդիկ հոգնել են աղմուկից և ուզում են երկու-երեք օր անցկացնել լռության մեջ, հանգիստ։ Պարզապես քնել առանց որևէ էքսկուրսիոն նպատակների»։

Այդպիսի հանգստի հիմնական չափանիշներն են՝ բարձրակարգ անկողնային սպիտակեղենը, որակյալ օրթոպեդիկ մատրասը, բարձերի լայն ընտրանին և խիտ վարագույրները։

Բարձերի «մենյու»
Եթե չգիտեք, ապա հյուրանոցներում վաղուց արդեն այցելուներին մի քանի տեսակի բարձ են առաջարկում՝ ըստ նախասիրության։
«Արդեն շուրջ 15 տարի գոյություն ունի նման ծառայություն,-ասում է Ալեքսան Մկրտչյանն ու հավելում, որ կան մեծ, փոքր, փետուրե, կաուչուկե, սինթետիկ բարձեր։ Ոմանք սիրում են բարձր բարձեր, ոմանք՝ ցածր, ոմանք միայն կաուչուկե բարձերի վրա են քնում։

Ոչ մի լույսի շող
Կարևոր դեր ունի նաև լուսավորությունը՝ ավելի ճիշտ՝ դրա բացակայությունը։
«Սենյակում պետք է լիարժեք մթություն լինի,-նշել է փորձագետը։

«Այս տուրիզմի ուղղությունները կարող են տարբեր լինել։ Սովորաբար գնում են շատ մոտ՝ երբեմն ընդամենը 20 կիլոմետր հեռու։ Հյուրանոցները հիմնականում գտնվում են մեգապոլիսի շրջակայքում՝ երկու-երեք ժամ ճանապարհի վրա։ Գնում են հիմնականում շաբաթավերջին՝ ուրբաթից մինչև երկուշաբթի»,-ասել է Մկրտչյանը։

Հարցըին՝ որքա՞ն արժե նման հանգիստը՝ փորձագետը պատասխանել է․ «Եթե «քնային հանգիստը» կազմակերպվում է Մոսկվայի մերձակայքում, ապա այնտեղ հնարավոր է գտնել տարբերակներ՝ օրական 10 հազար ռուբլուց սկսած»։